Vil du bli kjent med Annette?

Mi reise med reiki, healing og spirituell utvikling har forma meg til den eg er i dag. Eg har lært å lytte til hjartestemma mi, å kjenne meg sjølv på djupet, og å bruke gåva mi til å hjelpe andre med å finne balanse og indre ro.

Vi er alle unike, og det som gjer oss særeigne kan også vere vår største styrke. Eg har alltid hatt ei sterk evne til å kjenne andre sine stemningar og nærvær, men det tok tid å lære å skilje mellom det som er mitt, og det som tilhøyrer andre. Å respektere kvar sin veg i livet og forstå at vi ikkje treng å vere like, har vore ei avgjerande læring.

Etter ei ulykke i ein akebakke vart eg tvungen til å stoppe opp og lytte til det som verkeleg betydde noko – hjartestemma mi. Det var starten på ei djup reise inn i meg sjølv. Eg byrja å utforske astrologi og Reiki, og gjennom utdanningar og praksis fekk eg nye perspektiv og ein sterkare forståing av kvifor eg er her. Reiki og energihealing gav meg ikkje berre personleg styrke, men òg verktøy til å støtte andre i deira spirituelle utvikling.

Denne prosessen har lært meg kor viktig det er å ha kontakt med eigen energi, å integrere healing i kvardagen og å vere til stades med openheit og medkjensle. Eg har sett korleis små, bevisste handlingar kan skape stor forandring – både i mitt eige liv og hos dei eg møter. Dette har blitt kjernen i mitt arbeid: å veilede, støtte og inspirere andre til å lytte innover, finne ro og utvikle sine eigne gåver.

Eg ønskjer å invitere deg inn i denne reisa, til å oppdage dine eigne styrker, finne balanse og styrke din spirituelle praksis. Gjennom kurs, retreats, horoskop-lesningar og energihealing deler eg verktøy som kan hjelpe deg å leve nærare deg sjølv og styrke kontakten med det som er ekte og sant for deg.

Når det akademiske og spirituelle møtast

Min interesse for læring og for korleis vi kan utvikle oss i lag starta for alvor då eg studerte master i organisasjon og leiing. Eg forsto at vi lærer best gjennom ekte samtaler – når vi deler det som verkeleg betyr noko for oss, og set ord på det vi kjenner innerst inne. Det er då vi kan reflektere, lytte til sjela vår, og finne vårt indre kompass.

Eg voks opp i Førde på Vestlandet, og i helgane og feriane tilbrakte eg tid på garden ute ved kysten. Eg likte å kjenne kontrastane mellom by og land, og har alltid vore nysgjerrig og utforskande. I ungdomsåra fann eg Taekwondo, og som vaksen har eg oppdaga gleda i Yoga, Tai Chi og Qigong. Det er fantastisk å kjenne korleis kroppen og energien får flyt og balanse.

Turar i skogen og på fjellet, eller berre å sitte rundt eit bål med varme klede, gir meg ro og ei kjensle av å hente ned reiki-energien. Slike stunder minner meg om kor viktig det er å lytte til seg sjølv, å vere til stades, og å la sjela få rom til å vise veg. Det er ekte lukke og kjernen i alt eg deler med andre.

Nydelege Sunnfjord

No bur eg i Sunnfjord, der vi har to hus tett i tett. Det eine huset brukar eg til kontor og retreat, og her skaper eg rom for både ro og spirituell utvikling. Eg bur saman med mannen min og to flotte ungdommar, og fritida som mor har gått med til friluftsliv, fotball, friidrett, turn og skirenn.

Eg elskar naturen og å oppleve årstidene på nært hald. Å sitte stille og observere fuglane, gå turar i skogen eller kjenne vinden på fjellet, gir meg både ro og energi. Eg dyrkar urter, lagar urteteer og eksperimenterer med heimelaga champagne – små ritual som knyter meg til naturen og hjartestemma mi.

Eg er fascinert av alle former for energi og healing – frå Reiki, Qigong, Tai Chi og Buq, til shami healing og astrologihealing. Dette er praksisar som inspirerer meg, og som eg elskar å dele med andre som ynskjer å utforske si eiga spirituelle utvikling.